Tennıs: Qazaqstan quramasy Germanııamen ótetin matchqa daıyndalyp jatyr
NUR-SULTAN. QazAqparat – Qazaqstan áıelder quramasy 15-16 sáýirde elordada Bıllı Djın Kıng kýbogy irikteý saıysy aıasynda ótetin Germanııamen matchqa daıyndyqty bastady, dep habarlaıdy QazAqparat tilshisi.
Qazaqstan tennıs federatsııasy málim etkenindeı, qos komandanyń oıynshylary negizinen elordaǵa kelip, jattyǵýǵa kiristi.
Ulttyq tennıs ortalyǵyndaǵy topyraq tósenishindegi kortty birinshi bolyp Elena Rybakına, ıÝlııa Pýtıntseva jáne Jibek Qulambaeva baıqap kórdi.
Qazaqstan ulttyq quramasynyń (kapıtany ıAroslava Shvedova) taǵy bir múshesi Zarına Dııas astanaǵa búgin túnde ushyp kelip, erteń qatarǵa qosylady.
Germanııa quramasynyń kapıtany Raıner Shıýttler álemniń 17-raketkasy Anjelıka Kerber bastaǵan tennısshilerge senim artty. Germanııa namysyn sondaı-aq ıÝle Nımaıer, Laýra Zıgemýnd jáne Anna-Lena Frıdzam qorǵaıdy. Andrea Petkovıch jaraqatyna baılanysty kelgen joq.
Eske sala keteıik, budan buryn Zańǵar Nurlanulynyń Portýgalııadaǵy sýper týrnırdiń fınalısi atanǵanyn, Qazaqstannyń birinshi raketkasy álemdik reıtıngide kóterilgenin jazǵan bolatynbyz.
