Tennıs: Qazaqstan quramasy Devıs kýbogynyń shırek fınalyna joldama aldy
ASTANA. QazAqparat - Astanadaǵy Ulttyq tennıs ortalyǵynda 1/8 fınalynda Qazaqstan men Italııa arasyndaǵy matchtyń sońǵy, sheshýshi básekesinde Aleksandr Nedovesov Fabıo Fonınımen kezdesti.
Osyǵan deıin esep 2:2 bolyp turǵan edi. A.Nedovesov álemdik reıtıngte 130-ynshy orynda tursa, Italııanyń birinshi raketkasy F.Fonınıdiń 22-inshi satyda kele jatqany belgili. Soǵan qaramastan, kezdesý asa tartysty ótti. Birinshi partııada A.Nedovesov 7:6 esebimen taı-breıkte jeńiske jetse, odan keıingi eki sette (3:6, 4:6) ıtalıandyq tennısshige ese jiberdi. Tórtinshi partııada qazaqstandyq tennısshi 6:3 esebimen basym tústi. Besinshi, sheshýshi partııada Aleksandr birden oıyn tizginin qolyna alyp, esepti 4:1-ge jetkizdi. Alaıda sodan keıin eki breık pen qos geımdi sátti paıdalanǵan F.Fonını 5:4 esebimen alǵa shyqty. Biraq budan keıin A.Nedovesov qaıratyna minip, 7:5 esebimen jeńiske jetti. Oıyn 3 saǵat 45 mınýtqa sozyldy.
Sóıtip Qazaqstan quramasy Italııany 3:2 esebimen jeńip, shırek fınalǵa joldama aldy. Onda qazaqstandyqtar Avstralııa quramasymen sheberlik baıqasady.
