Tennıs: Qazaqstan quramasy Devıs kýbogynyń fınaldyq kezeńine joldama aldy
NUR-SULTAN. QazAqparat - Oslo qalasynda Devıs kýbogynyń irikteý kezeńinde Qazaqstan quramasy Norvegııany jeńdi, dep habarlaıdy QazAqparat tilshisi.
Tórtinshi kezdesýde Qazaqstan men Norvegııanyń birinshi raketkalary Aleksandr Býblık pen Kasper Rýýd kortqa shyqty.
K.Rýýd álemniń 8-raketkasy bolsa, A.Býblık 32-orynda edi.
Birinshi partııa barysynda breık jasaǵan qazaqstandyq tennısshi basymdylyq kórsetti - 6:4.
Ekinshi sette K.Rýýd ese qaıyrdy - 7:5.
Úshinshi, sheshýshi partııany Býblık breıkpen bastady - 2:0. Aqyry matchty jeńispen túıindedi : 6:4.
Osylaısha Qazaqstan quramasy qarsylasyn 3:1 esebimen utyp, Madrıdte ótetin Devıs kýbogynyń fınaldyq kezeńine joldama aldy.
Eske sala keteıik, budan buryn Qazaqstannyń Norvegııamen matchta alǵa shyqqanyn jazǵan bolatynbyz.
