Tennıs: Qazaqstan quramasy Bıllı Djın Kıng kýbogynyń irikteý saıysynda Germanııamen kezdesedi
NUR-SULTAN. QazAqparat – Praga qalasynda áıelder quramalary arasynda 2022 jyly ótetin Bıllı Djın Kıng kýbogy irikteý saıystarynyń jerebesi tartyldy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, elimiz quramasy Nur-Sultanda Germanııamen kezdesedi.
Match 2022 jyly elordada 15-16 sáýirde ótedi. Eger qazaqstandyq qyzdar jeńgen jaǵdaıda alǵash ret fınaldyq kezeńge joldama alyp, bas júldeni sarapqa salatyn bolady.
Qazaqstan quramasy osy irikteý saıysyna bıylǵy sáýirde Argentına tennısshilerin 3:2 esebimen jeńgennen keıin ótken edi.
Eske sala keteıik, budan buryn Aleksandr Býblıktiń Parıj masters týrnıriniń úshinshi aınalymyna shyǵa almaǵanyn jazǵan bolatynbyz.
