Tennıs: Qazaqstan quramasy Azııa komandalyq birinshiliginiń fınaldyq kezeńine joldama aldy
TAShKENT. QazAqparat - Tashkent qalasynda Ortalyq Azııa aımaǵynda 12 jasqa deıingi balalar arasynda Azııa komandalyq birinshiliginiń irikteý kezeńi márege jetti, dep habarlaıdy QazAqparat Olympic.kz saıtyna silteme jasap.
Fınaldyq kezeńge beriletin qos joldamany Ózbekstan, Qazaqstan, Qyrǵyzstan jáne Tájistan komandalary sarapqa saldy. Jarys qorytyndysynda qazaqstandyq qyzdar quramasy Qyrǵyzstandy 3:0, Tájistandy 3:0 jáne sońǵy kúni kort ıelerin 3:0 esebimen utyp, jeńimpaz atandy. Qazaqstan qyzdar quramasy sapynda Eva Korysheva, Erkejan Jańataeva, Evelına Balaganskaıa jáne Anelııa Nurqaeva (kapıtan) óner kórsetti. Ul balalar quramasy (Madııar Taǵıbekov, Robert Kamınskıı, Rodıon Traıgel jáne kapıtan Oıbek Abdırahımov) Qyrǵyzstan men Tájikstan tennısshilerin tize búktirgenimen, tartysty matchta ózbekstandyqtarǵa 1:2 esebimen ese jiberip, ekinshi orynǵa ıe boldy. Osylaısha eki qurama da fınaldyq kezeńge joldama aldy.
Qazaqstan tennıs federatsııasynyń 10-14 jastaǵy balalardy damytý jáne bapkerlerdi oqytý jónindegi úılestirýshisi Shýhrat Kaıýmovtyń aıtýynsha, bul – úlken tabys. Qyzdar ózderiniń joǵary sheberlikterin tanytty. Uldardan komanda kóshbasshylary ıAroslav Pshenıchnyı, Mıhaıl Mışenko, Mansur Saıynovtyń bolmaǵanyna qaramastan, olar da baryn saldy.
