Tennıs: Qazaqstan quramasy Azııa birinshiligin jeńispen bastady
NUR-SULTAN. QazAqparat – Qazaqstan quramasy elordadaǵy «Dáýlet» tennıs ortalyǵynda 12 jasqa deıingiler arasynda ótip jatqan Azııa komandalyq birinshiligin (ITF Asian 12&Under Team Championships 2021) jeńispen bastady, dep habarlaıdy QazAqparat tilshisi.
Qazaqstan tennıs federatsııasy málim etkenindeı, jerebege sáıkes qazaqstandyq uldar Pákistan, Taıland jáne Iordanııamen «A» tobyna tústi.
Qyzdar Úndistan, Lıvan jáne Malaızııamen «V» tobynda baq synaýda.
Jarystyń betashar kúni qazaqstandyq qyzdar Lıvan quramasyn bet qaratpaı jeńdi. Aldymen Evelına Balaganskaıa Kaı Chkabandy 6:0, 6:1 esebimen tas-talqan etti.
Odan Eva Korysheva da qalyspaı, Karmen-Marııa Azardy ońaı utty – 6:2, 6:0. Juptyq synda Sabına Shýhratova men E.Balaganskaıa taǵy bir upaıdy qorjynǵa saldy – 6:1, 6:0.
Seısenbi kúni qyzdar Malaızııamen oınaıdy.
Pákstanmen ótken match uldarǵa ońaıǵa túsken joq. Áýeli Rodıon Traıgel Roman Hamzadan utylyp qaldy – 6:2, 2:6,
1:6. Degenmen ekinshi kezdesýde ıAroslav Pshenıchnyı Abý Bakar Talhege esh múmkindik qaldyrǵan joq – 6:0, 6:2.
ıA.Pshenıchnyı men Madııar Taǵybekov juptyq synda AbýBakar – Baek Mıkaeldi 6:0, 6:2 esebimen utyp, sheshýshi
upaıǵa qol jetkizdi. 23 qarashada qazaqstandyq uldarǵa Taıland tennısshileri qarsy turmaq.
Eske sala keteıik, budan buryn Qaraǵandydaǵy halyqaralyq týrnırde qazaqstandyqtardyń jeńiske jetkenin, A.Býblıktiń eıs jasaýdan álemde úzdik nátıje kórsetkenin jazǵan bolatynbyz.
