Tennıs: Qazaqstan quramasy álemdik reıtıngide úzdik ondyqqa kirdi
NUR-SULTAN. QazAqparat - Qazaqstan ulttyq quramasy Halyqaralyq tennıs federatsııasy (ITF ) Devıs kýbogy reıtıngisindegi kórsetkishin jaqsartty, dep habarlaıdy QazAqparat tilshisi.
Qazaqstan tennıs federatsııasy málim etkenindeı, ulttyq qurama 13-orynnan 9-satyǵa kóterildi.
Osylaısha Qazaqstan quramasy úzdik ondyqqa kirdi. Bul Devıs kýbogy irikteý kezeńinde Norvegııa quramasyn jeńýi arqasynda múmkin boldy. Sóıtip álem chempıonatynyń fınaldyq kezeńine joldama alǵan edi.
Devıs kýbogynyń fınaldyq kezeńi bıyl qyrkúıek aıynda, pleı-off básekeleri qarashada ótedi. Fınal men pleı-off oıyndary bolatyn qalalar naýryzdyń aıaǵy ne sáýirdiń basynda anyqtalady.
Eske sala keteıik, budan buryn ıÝlııa Pýtıntsevanyń Indıan-Ýells týrnırin jeńispen bastaǵanyn jazǵan bolatynbyz.
