Tennıs: Qazaqstan quramasy 2012 jyly Devıs kýbogynyń birinshi aınalymynda Ispanııamen oınaıdy
ASTANA. 22 qyrkúıek. QazAqparat - Keshe Bangkokte 2012 jyly ótetin Devıs kýbogyna jerebe tartylyp, 1/8 fınalda Qazaqstan quramasy qazirgi ýaqytta Davis Cup álemdik reıtınginiń birinshi ornynda turǵan Ispanııa tennısshilerimen oınaıtyn boldy,
dep habarlady QR Tennıs federatsııasynyń baspasóz qyzmetinen.
Al álemdik toptyń birinshi aınalymynda oınaıtyn qalǵan juptar mynalar: Avstrııa-Reseı, Kanada-Frantsııa, Shveıtsarııa-AQSh, Chehııa-Italııa, Serbııa-Shvetsııa, Japonııa-Horvatııa, Germanııa-Argentına.
Devıs kýbogy birinshi aınalymynyń oıyndary 2012 jylǵy 10-12 aqpan kúnderi ótedi. Ótken aptada álemdik topqa enýge múmkindik beretin pleı-off matchtary ótip, Chehııa, Reseı, Avstrııa, Italııa, Horvatııa, Shveıtsarııa, Kanada jáne Japonııa komandalary 2012 jyly álemdik topta oınaýǵa joldama alǵan edi.
Esterińizge sala keteıik, aǵymdaǵy jylǵy Devıs kýbogyn Ispanııa quramasy utyp aldy. Olar ótken aptada jartylaı fınaldyq oıynda Frantsııa tennısshilerin 4-1, al aqtyq oıynda Serbııa quramasyn 3-2 esebimen utqan bolatyn.
Ótken jyly Qazaqstan quramasy jersharynyń 16 úzdik quramasy qataryna ený úshin elordada ótkizilgen oıynda Shveıtsarııa quramasyn 5:0 esebimen utyp, óz tarıhynda alǵash ret álemdik topqa engen edi. Aǵymdaǵy jyly qazaqstandyq tennısshiler Chehııa komandasyn 3-2 esebimen utyp álemdik toptaǵy ustanymyn nyǵaıta tústi. Al Devıs kýbogy matchynyń shırek fınalynda Qazaqstan quramasy Argentınaǵa ese jiberdi. Degenmen Devıs kýbogynyń reıtıngisinde 9-shy orynǵa turaqtaǵan bolatyn. Ókinishke oraı taıaýda jarııalanǵan Devıs kýbogynyń jańartylǵan reıtınginde elimizdiń tennısshileri 1 saty joǵaltyp, 10 orynǵa jaıǵasty. Jańa reıtıngte Qazaqstan quramasyn basyp ozǵan Horvatııa quramasy 12 orynnan 7-shi orynǵa joǵarylady. Reıtıngte Ispanııa quramasy kósh basynda. Odan keıingi oryndarda Serbııa men Argentına quramalary tur.
