Tennıs: Qazaqstan - Horvatııa matchynda kort ıeleri alǵa shyqty
ASTANA. QazAqparat - Búgin Varajdın qalasynda Devıs kýbogy úshin Qazaqstan - Horvatııa matchynda juptyq kezdesý ótti, dep habarlaıdy QazAqparat tilshisi.
Qazaqstandyqtar Aleksandr Nedovesov pen Tımýr Habıbýllın horvatııalyq Ivan Dodıg jáne Nıkola Mektıchpen kezdesti.
Tartysty ótken birinshi partııada qazaqstandyqtar taı-breıkte 7:6 (7:2) esebimen jeńiske jetti. Áıtse de budan keıin jeńisti jolyn jalǵastyra almady. Ekinshi jáne úshinshi partııada horvattar 6:4 esebimen basymdylyq tanytty.
Tórtinshi partııada kort ıeleri 6:2 esebimen utty. Kezdesý 3 saǵat 1 mınýtqa sozyldy.
Osylaısha matchtyq kezdesýde horvattar 2:1 esebimen alǵa shyqty. Endi match taǵdyry jeksenbi kúni ótetin qos birdeı jekeleı synda sheshiledi. Horvattarǵa sol oıynnyń bireýin utsa, jetip jatyr, álemdik toptyń jartylaı fınalyna joldama alady.
