Tennıs: Qazaqstan – Germanııa matchy elordada ótedi
NUR-SULTAN. QazAqparat – Tennısten Qazaqstan áıelder quramasy Bıllı Djın Kıng kýbogynyń Germanııamen irikteý matchyn elordada ótkizedi, dep habarlaıdy QazAqparat tilshisi.
Qazaqstan tennıs federatsııasy málim etkenindeı, atalmysh saıys Ulttyq tennıs ortalyǵynyń arnaıy qurylǵan topyraq tósenishinde bolady.
Arena 2500-den astam kórermenge eseptelgen, munda Qazaqstan erler jáne áıelder quramalarynyń oıyndary budan buryn da áldeneshe ret ótken bolatyn.
Qazaqstan tennıs federatsııasynyń vıtse-prezıdenti ıÝrıı Polskıı Ulttyq tennıs ortalyǵynyń kezdeısoq tańdalmaǵanyn jetkizdi.
«Elorda korttarynda bizdiń quramalar jaqsy óner kórsetip keledi. Olar Shveıtsarııa, Argentına, Japonııa, Italııa, Portýgalııa, Nıderlandy sekildi ataqty qarsylastaryn utty. Sapaly daıyndyq pen jankúıerlerdiń qoldaýy arqasynda 20 matchta jeńiske qol jetti. Osy tabystyń jalǵasýy úshin bar kúshimizdi salamyz», dedi ıÝ.Polskıı.
Qazaqstan – Germanııa matchy 15-16 sáýirde ótedi. Jeńimpaz qurama jyl sońynda ótetin fınaldyq kezeńge joldama alady. Ótken jyly sáýirde Argentınada kort ıelerin utqan qazaqstandyq qyzdar osy pleı-off kezeńine shyqqan bolatyn.
Eske sala keteıik, budan buryn Mıhaıl Kýkýshkınniń Indıan-Ýellste negizgi týrnırge joldama alǵanyn jazǵan bolatynbyz.
