Tennıs: Qazaqstan Devıs kýbogynyń jartylaı fınalyna óte almady
ASTANA. QazAqparat - Búgin Varajdın qalasynda Devıs kýbogy úshin álemdik toptyń shırek fınalynda Qazaqstan men Horvatııa matchynyń kezdesýi jalǵasty, dep habarlaıdy QazAqparat tilshisi.
Osyǵan deıin horvattar 2:1 esebimen alda turǵan edi. Al qazaqstandyqtarǵa jeńis aýadaı qajet bolatyn. Sondyqtan bar úmitti Qazaqstannyń birinshi, álemniń 92-inshi raketkasy Mıhaıl Kýkýshkınge artýǵa týra keldi. Ol álemniń úshinshi raketkasy Marın Chılıchpen kúsh synasty. Myqtynyń aty myqty, M.Chılıch 2 saǵat 2 mınýtqa sozylǵan matchta 6:1, 6:1, 6:1 esebimen jeńiske jetti.
Sóıtip matchtyq kezdesýde horvattar 3:1 esebimen alǵa shyǵyp, álemdik toptyń jartylaı fınalyna joldama aldy. Endi Borna Chorıch pen qazaqstandyq Dmıtrıı Popkonyń oıyny eshteńeni sheshpeıdi.
Eske sala keteıik, juma kúni M.Chılıch D.Popkony jeńse, M.Kýkýshkın B.Chorıchti qapy qaldyryp, tarazy basyn teńestirgen edi. Keshe juptyq básekede horvattar Ivan Dodıg pen Nıkola Mektıch qazaqstandyqtar Aleksandr Nedovesov pen Tımýr Habıbýllındi tize búktirip, komandasyn 2:1 esebimen alǵa shyǵarǵan bolatyn.
Devıs kýbogynyń jartylaı fınalynda Horvatııa quramasy 14-16 qyrkúıekte AQSh komandasymen synǵa túsedi.
