Tennıs: Qazaqstan - Belgııa matchynda ıÝlııa Pýtıntseva jeńilip qaldy
NUR-SULTAN. QazAqparat - Kortreık qalasynda Qazaqstan - Belgııa matchy búgin qaıta jalǵasty, dep habarlaıdy QazAqparat tilshisi.
Dúnıejúzilik reıtıngte 34-orynda turǵan ıÝ.Pýtıntseva álemniń 19-raketkasy Elıze Mertenspen kortqa shyqty.
Birinshi partııada belgııalyq tennısshi aıqyn basymdylyq kórsetti - 6:1.
Ekinshi set áldeqaıda tartysty órbidi.
Taı-breıkti Mertens jeńispen támamdady - 7:6 (7:1).
Tartysty báseke 1 saǵat 45 mınýtqa sozyldy.
Osylaısha Belgııa quramasy 2:1 esebimen alǵa shyqty. Endi Zarına Dııas pen Kırsten Flıpkens sheberlik baıqasady.
Eske sala keteıik, budan buryn Qazaqstannyń bir upaı berip qoıǵanyn, Pýtıntsevanyń tarazy basyn teńestirgenin jazǵan bolatynbyz.
