Tennıs: Qazaqstan – Belgııa matchynda Pýtıntseva tarazy basyn teńestirdi
NUR-SULTAN. QazAqparat – Kortreıkte Federatsııa kýbogynyń irikteý kezeńinde Qazaqstan men Belgııa matchynda ıÝlııa Pýtıntseva men Isalın Bonavantıýr kezdesti, dep habarlaıdy QazAqparat tilshisi.
Bıyl 25-ke tolǵan ıÝ.Pýtıntseva álemniń 34-raketkasy bolsa, bir jastaı úlkendigi bar qarsylasy 115-satyda turǵan-dy.
Birinshi partııada belgııalyq sportshy basymdylyq kórsetti – 6:3.
Ekinshi sette esep 3:3 bolǵan mezette jetinshi geımde I.Bonavantıýr breık jasap ketti. Esep 5:3 bolyp, qazaqstandyq tennısshi dop bergende, Bonavantıýr úsh birdeı matchbolyn paıdalana almady. Sodan keıin ıÝlııa breık jasap, tarazy basyn teńestirdi – 5:5. Budan keıin qarsylastar breık almasty. Taı-breıkte Pýtıntseva ábjildik tanytty – 7:6 (7:2).
Úshinshi, sheshýshi partııany ıÝ.Pýtıntseva breıkpen bastady – 1:0. Taǵy bir breık – 4:1. Aqyry osy basymdylyǵynan aıyrylǵan joq – 6:2.
Asa tartysty báseke 2 saǵat 35 mınýtqa sozyldy.
Osylaısha Qazaqstan men Belgııa matchynda esep teńesti – 1:1.
Senbi kúni ıÝ.Pýtıntseva Elıze Mertenspen, Zarına Dııas Isalın Bonavantıýrmen oınaıdy. Juptyq básekede ıAroslava Shvedova men Anna Danılına Kırsten Flıpkens pen Grete Mınnenmen synǵa túsedi.
Úsh upaıǵa ıe bolǵan qurama jeńiske jetip, sáýir aıynda Býdapeshte ótetin fınaldyq saıysqa joldama alady.
Eske sala keteıik, budan buryn Federatsııa kýbogynda Qazaqstannyń Belgııaǵa bir upaı berip qoıǵanyn jazǵan bolatynbyz.
