Tennıs: Qazaqstan áıelder quramasyna ıAroslava Shvedova basshylyq etedi
NUR-SULTAN. QazAqparat – ıAroslava Shvedova tennısten Qazaqstan áıelder quramasyna basshylyq etetin boldy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, ıA.Shvedova bapkerlikpen qatar oıynshy retindegi jolyn da jalǵastyrady.
«Qazaqstan tennıs federatsııasynyń prezıdenti Bolat Ótemuratovtan osyndaı usynys túsýi – men úshin úlken qurmet. Kapıtandyqpen qatar oıynshy bolý ońaı emes. Jaýapkershilikti sezine otyryp, federatsııa basshylyǵy artqan senimdi aqtaý úshin bar kúshimdi salamyn», dedi ıA.Shvedova.
Egiz sábıi dúnıege kelýine baılanysty sportta úzilis alǵan ıA.Shvedova bıylǵy jyl basynda kortqa qaıta oraldy. 7-8 aqpanda Kortreıkte ótken Federatsııa kýbogy irikteý kezeńinde Qazaqstan – Belgııa matchyna qatysyp úlgerdi.
ıA.Shvedovadan buryn Qazaqstan áıelder quramasyna Dıas Dosqaraev jetekshilik etti. Oqýǵa ketýine baılanysty D.Dosqaraev Qazaqstan tennıs federatsııasynyń vıtse-prezıdenti qyzmetinen de bosatyldy.
ıA.Shvedova – tennısten eńbek sińirgen sport sheberi, juptyq synda eki márte «Úlken dýlyǵa» (Ýımbldon, AQSh ashyq chempıonaty – 2010) týrnıriniń jeńimpazy, bes dúrkin fınalısi, WTA jarystarynyń 15 márte chempıony, 2014 jylǵy Azııa oıyndarynyń qola júldegeri.
ıAroslava 2012 jyly álemdik reıtıngte Qazaqstan úshin rekordtyq 25-orynǵa kóterilgen bolatyn. Bul nátıjeni bıyl taǵy bir qazaqstandyq Elena Rybakına qaıtalady. Qazirgi kezde Sankt-Peterbýrgte óner kórsetip jatqan E.Rybakınanyń óz kórsetkishin odan saıyn jaqsartatyndaı múmkindigi bar.
Eske sala keteıik, budan buryn Aleksandr Býblıktiń Rotterdam týrnıriniń shırek fınalyna shyǵa almaǵanyn jazǵan bolatynbyz.
