Tennıs: Qazaqstan – Argentına matchynyń jerebesi tartyldy
NUR-SULTAN. QazAqparat – Bıllı Djın Kıng kýbogynyń pleı-off kezeńinde ótetin Qazaqstan – Argentına matchynyń jerebesi tartyldy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, Argentınanyń Kordova qalasynda 16-17 sáýir kúnderi ótetin matchtyń alǵashqy básekesinde ıÝlııa Pýtıntseva kort ıesi, túbi ýkraınalyq Nadıa Podoroskamen kezdesedi.
Bul jup juma kúni Nur-Sultan ýaqytymen saǵat 20.00-de synǵa túsedi.
Ótken jyly Rolan Garros týrnırinde aıdy aspanǵa shyǵaryp, jartylaı fınalǵa deıin jetken N.Podoroska Argentınanyń birinshi raketkasy sanalady. Sol aıtýly dodada ıÝ.Pýtıntsevany da utyp ketken bolatyn. Ol qazir dúnıejúzilik reıtıngide 45-inshi, al ıÝ.Pýtıntseva 30-orynda tur.
Bul oıyn bitkennen keıin Qazaqstannyń birinshi, álemniń 23-raketkasy Elena Rybakınaǵa kezek keledi. Ol Argentınanyń ekinshi raketkasy Marııa Lýrdes Karleni synap kóredi.
Senbi kúni N.Podoroska – E.Rybakına, M.-L.Karle – ıÝ.Pýtıntseva jáne juptyq synda ıAroslava Shvedova men Anna Danılına – N.Podoroska men M.-L.Karle kezdesýleri josparlanyp otyr.
Senbi kúngi oıyndar saǵat 19.30-da bastalady.
Qazaqstan – Argentına matchyn «Qazsport» telearnasy tikeleı efırde kórsetedi.
Bıllı Djın Kıng kýbogynyń pleı-off kezeńinde sondaı-aq Ýkraına – Japonııa, Polsha – Brazılııa, Brıtanııa – Meksıka, Serbııa – Kanada, Latvııa – Úndistan, Rýmynııa – Italııa, Nıderlandy – Kanada matchtary ótedi. Jeńimpazdar sheshýshi irikteý kezeńine joldama alady. Oǵan bıylǵy fınalda 3-10 oryn alǵan komandalar qosylady. Sodan keıin 2022 jylǵy fınaldyq básekege joldama alǵan quramalar anyqtalady.
Eske sala keteıik, budan buryn A.Nedovesov pen A.Golýbevtiń Horvatııadaǵy týrnırdiń jartylaı fınalyna shyqqanyn jazǵan bolatynbyz.
