Tennıs: "Qazaqstan–Argentına" matchynda Rybakına komandasyn alǵa shyǵardy
NUR-SULTAN. QazAqparat – Kordova qalasynda Bıllı Djın Kıng kýbogynyń pleı-off kezeńinde Qazaqstan – Argentına matchynda elimizdiń birinshi raketkasy, álemniń 23-raketkasy Elena Rybakına komandasyn alǵa shyǵardy, dep habarlaıdy QazAqparat tilshisi.
Jarystyń ekinshi kúni Elena Rybakına Argentınanyń birinshi, álemniń 45-raketkasy Nadıa Podoroskamen kezdesti.
Keshe argentınalyq, dúnıejúzilik reıtıngte nebári 430-orynda turǵan Marııa Lýrdes Karleden kútpegen jerden jeńilip qalǵan E.Rybakına bul joly oıyn tizginin qolyna aldy.
Birinshi partııada qazaqstandyq tennısshi basymdylyq kórsetti – 6:4.
Ekinshi sette esep 2:1 bolǵan mezette E.Rybakına breık jasaı bildi. Matchqa dop bergende, qarsylasy qaıyra breık jasady. Biraq Elena kezdesýdi taǵy bir breıkpen támamdady – 6:4.
Báseke 2 saǵat 6 mınýtqa sozyldy.
Osylaısha matchta Qazaqstan quramasy 2:1 esebimen alǵa shyqty. Endi qazaqstandyqtarǵa qalǵan eki kezdesýde bir jeńiske jetse boldy, Bıllı Djın Kıng kýbogynyń sheshýshi kezeńine joldama alady.
Eske sala keteıik, budan buryn ıÝ.Pýtıntsevanyń Qazaqstan – Argentına jeńispen bastaǵanyn, sosyn eseptiń teńeskenin jazǵan bolatynbyz.
Sondaı-aq, qazaqstandyq tennısshiler Horvatııadaǵy týrnırdiń fınalyna shyǵa almady.
