Tennıs: Qaraǵandydaǵy halyqaralyq týrnırde qazaqstandyqtar jeńiske jetti
QARAǴANDY. QazAqparat – Qaraǵandyda 18 jasqa deıingiler arasynda ITF Junior J5 halyqaralyq týrnıri márege jetti, dep habarlaıdy QazAqparat tilshisi.
Qazaqstan tennıs federatsııasy málim etkendeı, qyzdar arasynda jekeleı jáne juptyq synda qazaqstandyq sportshylar jeńiske jetti.
Fınalda 14 jasar Іńkár Dúısebaı reseılik Marııa Sysoevany utty.
Birinshi partııada M.Sysoeva basymdylyq tanytty – 6:4.
Esesine ekinshi sette Іńkár qarsylasyna birde-bir geım bergen joq.
Sheshýshi, úshinshi partııada esep 4:4 bolǵan mezette І.Dúısebaı breık jasap, sosyn matchqa dop bergende, óz múmkindigin jibergen joq – 6:4.
Osylaısha Almaty qalasy tennıs mektebiniń túlegi bıyl 18 jasqa deıingiler arasynda ITF serııasy boıynsha ekinshi tıtýlyna qol jetkizdi.
Juptyq synda Asyljan Arystanbekova men Ádemi Amankeldi sońǵy básekede reseılikter Polına Skopıntseva – Marııa Sysoevany 6:4, 6:4 esebimen tize búktirdi.
Bul Asyljannyń juptyq syndaǵy bıylǵy osyndaı úshinshi tabysy bolsa, Ádemi úshin birinshi chempıondyq ataq edi.
Bozbalalar arasynda Erasyl Erdilda fınalda reseılik Dmıtrıı Býrtsevke 2:6, 3:6 esebimen ese jiberdi.
Juptyq synda fınaldyq básekede qazaqstandyqtar bas júldeni sarapqa saldy. Onda Іlııas Maratuly men Ilıa Vedmed E.Erdilda men Aleksandr Chernomazdy 3:6, 6:3, 11:9 esebimen utty.
Eske sala keteıik, budan buryn Tımofeı Skatovtyń Brazılııadaǵy týrnırdiń jartylaı fınalyna shyǵa almaǵanyn jazǵan bolatynbyz.
