Tennıs: Qaraǵandyda alǵash ret eki halyqaralyq týrnır ótedi
NUR-SULTAN. QazAqparat – Qaraǵandy qalasynda áıelder arasynda alǵash ret 2 ITF W25 týrnıri ótedi, dep habarlaıdy QazAqparat tilshisi.
Qazaqstan tennıs federatsııasy málim etkenindeı, jalpy júlde qory – 50 myń AQSh dollary.
Jarystar Qaraǵandyda ótken jyldyń kúzinen jumys jasaı bastaǵan jańa tennıs ortalyǵynda 18-24 jáne 25-31 qazan aralyǵynda bolady.
Jekeleı synda Qazaqstannan Gózal Aınıtdınova, Jibek Qulambaeva, Ekaterına Dmıtrıchenko baq synaıdy. Sonymen qatar birneshe jas tennısshi uıymdastyrýshylardan arnaıy shaqyrtý almaqshy.
Dodaǵa reseılikter, álemniń 133-inshi jáne 195-raketkalary Vıtalııa Dıachenko men Marııa Melnıkova, sondaı-aq Belarýs ókili ıÝlııa Gotovko, nıderlandylyq Sıýzan Lamens qatysady.
Atalmysh tennıs ortalyǵy halyqaralyq talaptarǵa tolyq sáıkes keledi. Onda 11 kort (jeteýi jabyq) ornalasqan.
Eske sala keteıik, budan buryn ıÝlııa Pýtıntsevanyń Indıan-Ýells týrnıriniń tórtinshi aınalymyna shyǵa almaǵanyn, Elena Rybakınanyń juptyq synda shırek fınalǵa ótkenin jazǵan bolatynbyz.
