Tennıs: Golýbev pen Skatov Shymkent týrnırin sátti bastady
NUR-SULTAN. QazAqparat - Qazaqstandyqtar Andreı Golýbev pen Tımofeı Skatov Shymkent chellendjer týrnırin sátti bastady, dep habarlaıdy QazAqparat tilshisi.
A.Golýbev alǵashqy aınalymda reseılik Anton Chehovty 6:1, 6:1 esebimen oısyrata utty.
T.Skatov álemdik reıtıngte 426-orynda turǵan Izraıl eliniń ókili Ben Rafaeldy 6:1, 6:4 esebimen tize búktirdi.
Taǵy bir qazaqstandyq Dostanbek Tashbýlatov álemniń 395-raketkasy, ýkraınalyq Ilıa Marchenkodan 2:6, 3:6 esebimen utylyp qaldy.
12 mamyrda márege jetetin atalmysh jarysqa Qazaqstannan sondaı-aq Dmıtrıı Popko, Tımýr Habıbýlın, Aleksandr Nedovesov, Denıs Evseev, Grıgorıı Lomakın qatysýda.
Eske sala keteıik, budan buryn Dmıtrıı Popkonyń AQSh-taǵy týrnırdiń, al Zarına Dııastyń Japonııadaǵy jarystyń jeńimpazy atanǵanyn jazǵan bolatynbyz.
Áıelder arasynda Qazaqstannyń birinshi, álemniń 43-raketkasy, Madrıd týrnırin jeńispen bastaǵan ıÝlııa Pýtıntseva búgin frantsııalyq Polın Parmantemen oınaıdy.
Erler arasynda Qazaqstannyń birinshi, álemniń 40-raketkasy Mıhaıl Kýkýshkın búgin Madrıd týrnıriniń alǵashqy aınalymynda germanııalyq Fılıpp Kolshraıbermen kortqa shyǵady.
Taǵy bir qazaqstandyq Aleksandr Býblık búgin jańartylǵan reıtıngte 96-dan 94-orynǵa kóterilse, Zarına Dııas úzdik 100 tennısshiniń qataryna endi.
