Tennıs: Golýbev pen Nedovesov juptyq synda Nur-Sultan týrnıriniń fınalyna ótti
NUR-SULTAN. QazAqparat – Qazaqstandyqtar Andreı Golýbev pen Aleksandr Nedovesov juptyq synda Nur-Sultan chellendjer týrnıriniń fınalyna shyqty, dep habarlaıdy QazAqparat tilshisi.
Qazaqstandyq jup jartylaı fınalda kolýmbııalyq Nıkolas Barrentos pen argentınalyq Fakýnda Menamen kúsh synasty.
Birinshi partııada Golýbev pen Nedovesov 7:5 esebimen basym tústi.
Ekinshi sette de qazaqstandyqtar esesin jibermedi – 6:3.
Báseke 1 saǵat 20 mınýtqa sozyldy.
Qazaqstandyqtar fınalda ýkraınalyq Ilıa Marchenko men portýgalııalyq Gonsalý Olıveıra nemese ońtústikkoreıalyqtar Chýng ıÝn-Son men Nam Djı Sonnyń qaı jeńgenimen bas júldeni sarapqa salady.
Eske sala keteıik, budan buryn Aleksandr Býblıktiń AQSh-taǵy Nıýport týrnıriniń shırek, A.Golýbev pen A.Nedovesovtiń Nur-Sultan jarysynyń jartylaı fınalyna shyqqanyn jazǵan bolatynbyz.
Taǵy bir qazaqstandyq Elena Rybakına Býharest dodasynda shırek fınalǵa ótti.
Foto: prosports.kz
