Tennıs: Golýbev pen Nedovesov Praga týrnıriniń fınalynda utylyp qaldy
NUR-SULTAN. QazAqparat – Qazaqstandyqtar Andreı Golýbev pen Aleksandr Nedovesov juptyq synda Praga chellendjer týrnıriniń fınalynda utylyp qaldy, dep habarlaıdy QazAqparat tilshisi.
Qazaqstandyq jup fınalda ýrýgvaılyq Arıel Behar men ekvadorlyq Gonsalo Eskobarmen kúsh synasty.
Golýbev pen Nedovesov jarysqa arnaıy shaqyrtýmen kelse, qarsylastary týrnırdiń úshinshi raketkalary edi.
Birinshi partııa tartysty órbip, taı-breıkke deıin jetti. Onda qazaqstandyq jup jeńiske jetti – 7:6 (7:4).
Ekinshi sette ýgýgvaılyq-ekvadorlyq jup breık jasap, alǵa shyqty – 2:1. Qazaqstandyqtar qarsylasyp baqqanymen, olar degenine jetti – 7:5. Sodan keıin Behar men Eskobar 10:8 esebimen matchty túıindedi.
Báseke eki saǵatqa sozyldy.
Eske sala keteıik, budan buryn A.Golýbev pen A.Nedovesov Nur-Sultan týrnırinde jeńimpaz atanǵan bolatyn. Keıin olar Pragadaǵy jarystyń fınalyna shyqty.
