Tennıs: Golýbev pen Nedovesov Nur-Sultan týrnıriniń jartylaı fınalyna shyqty
NUR-SULTAN. QazAqparat – Qazaqstandyqtar Andreı Golýbev pen Aleksandr Nedovesov juptyq synda Nur-Sultan chellendjer týrnıriniń jartylaı fınalyna shyqty, dep habarlaıdy QazAqparat tilshisi.
Qazaqstandyq jup shırek fınalda reseılik Teımýraz Gabashvılı men Belarýs eliniń ókili Egor Gerasımovpen kezdesti.
Birinshi partııada Golýbev pen Nedovesov 2:0 esebimen alǵa shyqqannan keıin qarsylastary básekeni jalǵastyrýdan bas tartty.
Qazaqstandyqtar fınalǵa shyǵý úshin kolýmbııalyq Nıkolas Barrentos pen argentınalyq Fakýnda Menamen talasady.
A.Nedovesov jekeleı synda dál osy F.Menany utqan bolatyn. Alaıda qazaqstandyq tennısshi sol jeńisti jolyn jalǵastyra almaı, búgin ıtalııalyq Matteo Vıoladan jeńilip qaldy.
Sol sııaqty áıelder arasynda jekeleı synda Gózal Aınıtdınova germanııalyq Vıvıan Haızenge, taǵy bir qazaqstandyq Jibek Qulambaeva chehııalyq Marııa Boýzkovaǵa jol berdi.
Osylaısha, ókinishke qaraı, jekeleı synda Qazaqstannan eshkim qalmady.
Eske sala keteıik, budan buryn Gózal Aınıtdınova men Jibek Qulambaevanyń Nur-Sultan jarysynyń ekinshi aınalymyna shyqqanyn jazǵan bolatynbyz.
AQSh-taǵy Nıýport týrnıriniń shırek fınalyna shyqqan Aleksandr Býblık amerıkalyq Tennıs Sandgrenmen sheberlik baıqasady.
Taǵy bir qazaqstandyq Elena Rybakına Býharest dodasynda rýmynııalyq Jaklın Adına Krıstıanmen shırek fınal joldamasyn sarapqa salady.
