Tennıs: Germanııamen matchqa qatysatyn Qazaqstan quramasy anyqtaldy
NUR-SULTAN. QazAqparat - Bıllı Djın Kıng kýbogynyń irikteý kezeńinde Germanııamen matchqa qatysatyn Qazaqstan quramasy anyqtaldy, dep habarlaıdy QazAqparat tilshisi.
Qazaqstan tennıs federatsııasy málim etkendeı, atalǵan match 15-16 sáýir kúnderi elordadaǵy Ulttyq tennıs ortalyǵynda arnaıy ázirlengen topyraq tósenishi kortynda ótedi.
ıAroslava Shvedova bastaǵan el quramasynyń bapkerlik shtaby myna oıynshylardy tańdap aldy: Elena Rybakına (jekeleı synda álemniń 20-raketkasy), Anna Danılına (juptyq synda álemniń 22-raketkasy), ıÝlııa Pýtıntseva (47-raketka), Zarına Dııas (110-raketka), Jibek Qulambaeva (juptyq synda 297-raketka).
«Quramany jasaqtaǵan kezde reıtıngi men týrnırlerdegi sońǵy nátıje eskerildi. Quramaǵa Jibek Qulambaeva alǵash ret alyndy. Jastarǵa múmkindik berý kerek dep sanaımyn. Germanııanyń tájirıbesi mol, quramy da myqty. Degenmen biz óz jankúıerlerimizdiń aldynda óner kórsetemiz. Bul - jaqsy demeý. Sondyqtan fınalǵa shyǵý úshin bar kúshimizdi salamyz»,- dedi ulttyq qurama kapıtany ıAroslava Shvedova.
Eske sala keteıik, budan buryn Elena Rybakınanyń Indıan-Ýells týrnıriniń shırek fınalyna shyqqanyn jazǵan bolatynbyz.
