Tennıs: Federatsııa kýbogynyń irikteý matchynda Qazaqstan men Belgııa quramalary kezdesedi
NUR-SULTAN. QazAqparat – 7-8 aqpan kúnderi Belgııanyń Kortreık qalasynda Federatsııa kýbogynyń irikteý matchynda Qazaqstan áıelder quramasy kort ıelerimen kúsh synasady, dep habarlaıdy QazAqparat tilshisi.
Qazaqstan tennıs federatsııasy málim etkenindeı, osy kezdesý qorytyndysynda jeńimpaz atanǵan komanda Býdapesht qalasynda sáýir aıynda jańa formatta ótetin fınaldyq saıysqa joldama alady.
Atalmysh jaýapty matchta el namysyn ıÝlııa Pýtıntseva, Zarına Dııas, Anna Danılına jáne ıAroslava Shvedova qorǵaıdy.
Bıyl Aýstralııa ashyq chempıonatynyń úshinshi aınalymyna deıin jetken álemniń 38-inshi jáne 73-raketkalary ıÝ.Pýtıntseva men Z.Dııas qazir babynda deýge bolady. A.Danılına juptyq syndarda kóbirek kózge túsip júr. ıA.Shvedovanyń basqa tabystaryn aıtpaǵanda, juptyq synda eki márte «Úlken dýlyǵa» týrnıriniń jeńimpazy atanǵan quramadaǵy eń tájirıbeli tennısshi ekendigi belgili.
Belgııa quramasyn álemniń 17-raketkasy Elıze Mertens bastap shyǵady. Sondaı-aq reıtıngte 81-satydaǵy Kırsten Flıpkens, álemniń 115-inshi jáne 119-raketkalary Isalın Bonavantıýr men Grete Mınnen de osal qarsylastar emes.
Qazaqstan quramasynyń kapıtany – Dıas Dosqaraev.
Eske sala keteıik, budan buryn qazaqstandyq qos tennısshiniń shetelde ótken týrnırde top jarǵanyn jazǵan bolatynbyz.
