Tennıs: Evseev pen Popko Sankt-Peterbýrg týrnıriniń 2-aınalymyna shyqty
NUR-SULTAN. QazAqparat – Qazaqstandyqtar Denıs Evseev pen Dmıtrıı Popko Sankt-Peterbýrg ATR chellendjer týrnıriniń ekinshi aınalymyna shyqty, dep habarlaıdy QazAqparat tilshisi.
Qazaqstan tennıs federatsııasy málim etkenindeı, D.Evseev bastapqy kezdesýin ózbekstandyq Vaja Ýzakovpen ótkizdi.
Denıs qarsylasyna birde-bir geım bermeı, 6:0, 6:0 esebimen utty.
Báseke nebári 33 mınýtqa sozyldy.
Qazaqstandyq tennısshi match barysynda alty breık jasaı aldy.
D.Evseev ekinshi aınalymda otandasy, osy dodanyń 2-raketkasy Dmıtrıı Popkomen kezdesedi. Qaı jeńgeni shırek fınalǵa ótedi.
D.Popko alǵashqy aınalymda horvatııalyq Nıno Serdarýshıchti 6:4, 6:4 esebimen tize búktirdi.
Júlde qory 52080 AQSh dollaryna baǵalanǵan jarys 14 naýryz kúni aıaqtalady.
Eske sala keteıik, budan buryn E.Rybakınanyń Dýbaı týrnıriniń ekinshi aınalymyna shyqqanyn, A.Býblıktiń Doha jarysyn jeńispen bastaǵanyn jazǵan bolatynbyz.
