Tennıs: Elordada balalar arasynda Azııa komandalyq birinshiliginiń fınaly ótedi
NUR-SULTAN. QazAqparat – Elordada 22-27 qarashada «Dáýlet» tennıs ortalyǵynda 12 jasqa deıin balalar arasynda Azııa komandalyq birinshiliginiń (ITF Asian 12&Under Team Championships 2021) fınaly ótedi, dep habarlaıdy QazAqparat tilshisi Qazaqstan tennıs federatsııasynan túsken málimetke silteme jasap.
Júldeli oryndar úshin Qazaqstan, Lıvan, Ózbekstan, Iordanııa, Úndistan, Pákistan, Taıland, Iran jáne Malaızııa talasady.
Qazaqstan quramasy myna oıynshylardan jasaqtaldy.
Qyzdar:
Eva Korysheva (Aqtóbe),
Evelına Balaganskaıa (Almaty),
Sabına Shýhratova (Shymkent).
Kapıtany Mádına Rahım.
Uldar:
ıAroslav Pshenıchnyı (Nur-Sultan),
Rodıon Traıgel (Qaraǵandy),
Madııar Taǵybekov (Nur-Sultan).
Kapıtany Oıbek Ábdirahymov.
O.Ábdirahym aıtýly dodada álsiz qarsylas bolmaıtynyn, barlyq komandalardyń tyńǵylyqty daıyndyqpen keletinin jetkizdi.
Qurlyqtyq birinshilik elordada osymen tórtinshi ret ótkeli otyr. 2019 jyly qazaqstandyq qyzdar Polına Sleptsova, Zara Dárken jáne Іńkár Dúısebaı komanda quramynda chempıon atansa, uldar qola medalǵa ıe boldy.
Týrnır Qazaqstan tennıs federatsııasynyń prezıdenti Bolat Ótemuratovtyń bastamasymen ótip keledi.
Eske sala keteıik, budan buryn Tımofeı Skatovtyń Brazılııadaǵy týrnırdiń shırek fınalyna shyqqanyn jazǵan bolatynbyz.
