Tennıs: Elordada ATP Challenger Tour serııasynda halyqaralyq týrnırler ótedi
NUR-SULTAN. QazAqparat – 2021 jyldyń 21-28 aqpanynda jáne 28 aqpan men 7 naýryz aralyǵynda elordada tennısten ATP Challenger Tour serııasy aıasynda «FORTE CHALLENGER 100» jáne «FORTE CHALLENGER 125» halyqaralyq týrnırleri ótedi, dep habarlaıdy QazAqparat tilshisi.
QR Tennıs federatsııasynyń málimetinshe, jalpy júlde qory 260 400 AQSh dollaryn quraıtyn bul týrnırlerge tennısten álemdik reıtıngide TOP-100-ge kiretin sportshylar qatysady. Olardyń qatarynda kordqa Qazaqstan atynan Mıhaıl Kýkýshkın, Dmıtrıı Popko, Aleksandr Nedovesov, Denıs Evseev, Tımofeı Skatov, Grıgorıı Lomakın syndy tennısshiler shyǵyp, baq synaıdy.
«Qazaqstan elordasynda iri týrnırler ótedi. Koronavırýs pandemııasyna baılanysty búkil álemde kóptegen jarys kestesine ózgeris engizilýine baılanysty Kásibı tennısshiler qaýymdastyǵy Qazaqstannyń tennıs federatsııasynan eki týrnırdi birden ótkizýge ótinish jasady. Jarystyń bul serııalary Avstralııadaǵy ashyq chempıonatty óner kórsetýin aıaqtaǵan oıynshylar úshin tamasha múmkindik bolmaq. Olar birden kelip, eki týrnırde oınaı alady. Biz Qazaqstan quramasy músheleriniń barlyǵy derlik qatysady dep kútemiz. Bul – sportshylarymyz úshin upaı jınap, reıtıngidegi pozıtsııalaryn jaqsartý, Olımpıada oıyndaryna iligý úshin jaqsy múmkindik. Jeńimpazdar úshin 100 jáne 125 upaı utysqa salynatyn mundaı «chellendjer» sanatyndaǵy jarysty buǵan deıin ótkizgen emespiz. Týrnırdiń deńgeıi óte joǵary jáne myqty oıynshylar keledi dep kútemiz. Muny tirkelgen tennısshiler tizimi de kórsetip otyr», - dedi Qazaqstan tennıs federatsııasynyń vıtse-prezıdenti ıÝrıı Polskıı.
Aıta keterligi, sanıtarlyq-epıdemıologııalyq qaýipsizdiktiń joǵary sharalaryna baılanysty bul týrnırler kórermensiz ári qatań hattamaǵa saı ótkiziledi. Buǵan qosa, reglamentke baılanysty sporshylar qalanyń kórikti oryndaryn aralap, mýzeılerge bara almaıdy.
