Tennıs: Elena Rybakına juptyq synda Indıan-Ýells týrnıriniń fınalyna shyqty
NUR-SULTAN. QazAqparat – Qazaqstannyń birinshi, álemniń 16-raketkasy Elena Rybakına juptyq synda Indıan-Ýells WTA 1000 týrnıriniń fınalyna shyqty, dep habarlaıdy QazAqparat tilshisi.
E.Rybakına reseılik Veronıka Kýdermetovamen birge jartylaı fınalda ýkraınalyq Lıýdmıla Kıchenok – latvııalyq Elena Ostapenkomen kezdesti.
Qazaqstandyq-reseılik jup 6:4, 6:3 esebimen jeńiske jetti.
Báseke 1 saǵat 15 mınýtqa sozyldy.
Match barysynda Rybakına men Kýdermetova 3 eıs jasap, 14 breık-poınttyń altaýyn paıdalandy. Qarsylastary 8 breık-poınttyń úsheýin óz esepterine jazdy.
E.Rybakına men V.Kýdermetova fınalda dodanyń ekinshi raketkalary, taıbeılik Se Shýveı – belgııalyq Elıza Mertenspen bas júldeni sarapqa salady.
Qazaqstandyq tennısshi juptyq synda osyndaı deńgeıdegi jarysta alǵash ret fınalǵa shyǵyp otyr.
Eske sala keteıik, budan buryn Denıs Evseevtiń Ispanııadaǵy týrnırdiń shırek fınalyna ótkenin, Elena Rybakınanyń juptyq synda Indıan-Ýells jarysynyń jartylaı fınalyna shyqqanyn jazǵan bolatynbyz.
