Tennıs: Elena Rybakına juptyq synda Indıan-Ýells týrnırin jeńispen bastady
NUR-SULTAN. QazAqparat – Qazaqstannyń birinshi, álemniń 16-raketkasy Elena Rybakına juptyq synda Indıan-Ýells (AQSh) WTA 1000 týrnıriniń ekinshi aınalymyna shyqty, dep habarlaıdy QazAqparat tilshisi.
E.Rybakına reseılik Veronıka Kýdermetovamen birge alǵashqy aınalymda aýstralııalyqtar Anastasııa jáne Arına Rodıonovamen sheberlik baıqasty.
Qazaqstandyq-reseılik jup 6:3, 3:6, 10:6 esebimen jeńiske jetti.
1 saǵat 18 mınýtqa sozylǵan match barysynda E.Rybakına men V.Kýdermetova 4 eıs jasap, 5 breık-poınttyń úsheýin paıdalana bildi. Aýstralııalyq jup 3 breıkke (9 breık-poınt) qol jetkizdi.
E.Rybakına men V.Kýdermetova ekinshi aınalymda chılılik Aleksa Gýarachı – amerıkalyq Dezıre Kravchık nemese ulybrıtanııalyq Hıter Ýotson – qytaılyq Saısaı Chjen juptarynyń qaı jeńgenimen kezdesedi.
E.Rybakına jekeleı synda ekinshi aınalymda otandasy ıÝlııa Pýtıntsevamen kortqa shyǵady. Qaı jeńgeni úshinshi aınalymǵa ótedi.
Eske sala keteıik, budan buryn Indıan-Ýellste ıÝlııa Pýtıntseva men Elena Rybakınanyń ózara kezdesetinin, Zarına Dııastyń ekinshi aınalymǵa shyqqanyn jazǵan bolatynbyz.
