Tennıs: Elena Rybakına ıÝrmala týrnırin jeńispen bastady
NUR-SULTAN. QazAqparat – Qazaqstandyq Elena Rybakına ıÝrmala (Latvııa) WTA týrnırin jeńispen bastady, dep habarlaıdy QazAqparat tilshisi.
Dúısenbide dúnıejúzilik reıtıngte 65-orynǵa kóterilgen E.Rybakına alǵashqy aınalymda álemniń 154-raketkasy, qytaılyq Han Sın-ıÝnmen kezdesti.
Qazaqstandyq tennısshi nebári 50 mınýtqa sozylǵan matchta 6:1, 6:2 esebimen jeńiske jetti.
E.Rybakına shırek fınalǵa shyǵý úshin 2017 jylǵy Rolan Garros týrnıriniń jeńimpazy, álemniń 83-raketkasy, latvııalyq Elena Ostapenko nemese reıtıngte 74-satydaǵy amerıkalyq Bernarda Peranyń bireýimen talasady.
Júlde qory 250 myń eýro bolatyn ıÝrmala týrnıri 28 shildede márege jetedi.
Eske sala keteıik, budan buryn Elena Rybakınanyń Býharest jarysynyń jeńimpazy atanǵanyn, Aleksandr Býblıktiń Nıýport týrnıriniń fınalynda jeńilip qalǵanyn jazǵan bolatynbyz.
Álemniń 71-raketkasy A.Býblık Atlanta (AQSh) ATP dodasynyń birinshi aınalymynda reıtıngte 57-oryndaǵy amerıkalyq Reıllı Opelkamen kúsh synasýda.
