Tennıs: Elena Rybakına US Open týrnıriniń úshinshi aınalymyna shyǵa almady
NUR-SULTAN. QazAqparat – Qazaqstannyń birinshi, álemniń 17-raketkasy Elena Rybakına US Open týrnıriniń úshinshi aınalymyna shyǵa almady, dep habarlaıdy QazAqparat tilshisi.
Júlde qory 53,4 mln AQSh dollaryna baǵalanǵan «Úlken dýlyǵa» jarysynyń 11-raketkasy bolyp tirkelgen E.Rybakına ekinshi aınalymda reıtıngte 93-orynda turǵan amerıkalyq Shelbı Rodjerspen kortqa shyqty.
Qazaqstandyq tennısshi bıyl 21-ge tolsa, tájirıbeli qarsylasy 27-de edi.
Birinshi partııada birden jınaqy oınaǵan amerıkalyq sportshy breıkpen alǵa ketti. Degenmen esep 3:5 bolǵan mezette Elena qaıyra breık jasap, óz geımin de jibermedi – 5:5. Biraq qarsylasy setti taǵy bir breıkpen túıindedi – 7:5.
Ekinshi sette esep 2:1 bolǵanda Sh.Rodjers breık jasap ketti – 3:1. Taǵy bir breık – 5:1. Aqyry ol on mınýttan astam ýaqytqa sozylǵan sońǵy tartysty geımde altynshy matchbolyn paıdalana aldy – 6:1.
Báseke 1 saǵat 28 mınýtqa sozyldy.
Sh.Rodjers úshinshi aınalymda álemniń 25-raketkasy, ýkraınalyq Daıana ıAstremskaıa nemese reıtıngte 84-satydaǵy amerıkalyq Medıson Brengldiń bireýimen kezdesedi.
Eske sala keteıik, budan buryn ıÝlııa Pýtıntsevanyń, sodan keıin Mıhaıl Kýkýshkınniń US Open týrnıriniń úshinshi aınalymyna shyqqanyn jazǵan bolatynbyz.
