Tennıs: Elena Rybakına US Open týrnırine joldama aldy
NUR-SULTAN. QazAqparat – Qazaqstandyq Elena Rybakına US Open negizgi týrnırine joldama aldy, dep habarlaıdy QazAqparat tilshisi.
Dúnıejúzilik reıtıngte 67-orynda turǵan Elena Rybakına irikteý saıystarynyń fınalynda aýstralııalyq, álemniń 190-raketkasy Lızett Kabreramen kezdesti.
Tartysty órbigen birinshi partııa taı-breıkke deıin jetip, onda qazaqstandyq tennısshi basymdylyq kórsetti – 7:6 (7:5).
Ekinshi sette esep 2:2 bolǵan mezette aýstralııalyq sportshy breık jasap, alǵa shyqty. Degenmen E.Rybakına qaıyra breıkke qol jetkizip, tarazy basyn teńestirdi. Sodan keıin taǵy bir breık jasaı aldy – 5:3. Aqyry ózi dop bergende, matchty jeńispen túıindedi – 6:3.
Báseke 1 saǵat 45 mınýtqa sozyldy.
E.Rybakınanyń AQSh-tyń ashyq chempıonatyndaǵy qarsylasy keıin anyqtalady.
Eske sala keteıik, budan buryn Zarına Dııastyń 26 tamyz kúni bastalatyn US Open týrnırinde álemniń 2-raketkasymen kezdesetinin jazǵan bolatynbyz.
Osylaısha AQSh-tyń ashyq chempıonatynda jekeleı synda Qazaqstannan ıÝlııa Pýtıntseva, Zarına Dııas, Elena Rybakına, erlerden Mıhaıl Kýkýshkın men Aleksandr Býblık óner kórsetedi.
