Tennıs: Elena Rybakına US Open chempıonyn oısyrata utty
NUR-SULTAN. QazAqparat – Qazaqstannyń birinshi, álemniń 13-raketkasy Elena Rybakına Sıdneı (Aýstralııa) WTA 500 týrnıriniń ekinshi aınalymyna shyqty, dep habarlaıdy QazAqparat tilshisi.
Qazaqstan tennıs federatsııasy málim etkendeı, E.Rybakına bastapqy kezdesýin álemniń 18-raketkasy, ótken jylǵy US Open chempıony, ulybrıtanııalyq Emma Radýkanýmen ótkizdi.
Qazaqstandyq tennısshi qarsylasyn 6:0, 6:1 esebimen oısyrata utty.
Nebári 55 mınýtqa sozylǵan báseke barysynda Elena 4 eıs jasap, bes breıkke qol jetkizdi.
E.Rybakına ekinshi aınalymda frantsııalyq Karolın Garsııamen sheberlik baıqasady.
Eske sala keteıik, qazaqstandyq qos jasóspirim tennısshiniń alǵash ret Aýstralııa ashyq chempıonatynda oınaıtynyn jazǵan bolatynbyz.
Sondaı-aq Zańǵar Nurlanuly Eýropa tennısi «Masters» reıtınginde kósh bastap keledi.
