Tennıs: Elena Rybakına Ýımbldon týrnıriniń shırek fınalyna shyǵa almady
NUR-SULTAN. QazAqparat – Qazaqstannyń birinshi, álemniń 20-raketkasy Elena Rybakına Ýımbldon týrnıriniń shırek fınalyna shyǵa almady, dep habarlaıdy QazAqparat tilshisi.
Qazaqstandyq tennısshi tórtinshi aınalymda álemniń tórtinshi, osy «Úlken dýlyǵa» dodasynyń ekinshi raketkasy, Belarýs ókili Arına Sobolenkomen kúsh synasty.
Osyǵan deıin qarsylastar ózara eki márte kezdesip, úsh setke sozylǵan básekelerde belorýssııalyq tennısshi jeńiske jetken edi.
Birinshi partııany qos sportshy breık almasýmen bastady. Sodan keıin A.Sobolenkonyń basymdylyǵy baıqaldy – 6:3.
Ekinshi sette esesine E.Rybakına 3:1 esebimen alǵa ketti. Biraq A.Sobolenko tarazy basyn teńestirdi – 3:3. Degenmen qazaqstandyq tennısshi qaıta breık jasap, óz geımin de aldy – 5:3. Sosyn setke dop bergende, qarsylasyna esh múmkindik qaldyrǵan joq – 6:4.
Úshinshi, sheshýshi partııada esep 4:3 bolǵan mezette Sobolenko breık jasap ketti. Sodan keıin matchbolyn qur jibermedi – 6:3.
Tartysty báseke 1 saǵat 49 mınýtqa sozyldy.
Match barysynda E.Rybakına 10 eıs jasap, 6 breık-poınttyń úsheýin paıdalandy. A.Sobolenko 10 eıs, 5 breıkke (11 breık-poınt) qol jetkizdi.
A.Sobolenko jartylaı fınalǵa shyǵý úshin reıtıngte 24-orynda turǵan týnıstik Ons Jabermen talasady. Ol álemniń 9-raketkasy, Polsha ókili Iga Shventekti 5:7, 6:1, 6:1 esebimen utty.
Eske sala keteıik, budan buryn qazaqstandyq jas tennısshiniń Ýımbldon irikteý saıysynyń fınalyna shyqqanyn, elordada Prezıdent kýbogy aıasynda 3 halyqaralyq týrnır ótetinin jazǵan bolatynbyz.
