Tennıs: Elena Rybakına Sankt-Peterbýrg týrnıriniń shırek fınalyna shyǵa almady
NUR-SULTAN. QazAqparat – Qazaqstannyń birinshi, álemniń 12-raketkasy Elena Rybakına Sankt-Peterbýrg WTA 500 týrnırin jalǵastyra almady, dep habarlaıdy QazAqparat tilshisi.
Dodanyń 3-raketkasy bolyp tirkelgen qazaqstandyq tennısshi ekinshi aınalymda dúnıejúzilik reıtıngte 42-orynda turǵan chehııalyq Tereza Martıntsovamen oınaýy tıis edi.
Alaıda E.Rybakına densaýlyǵyna baılanysty matchqa kelýden bas tartty. Osylaısha ol jarys jolynan shyǵyp qaldy.
T.Martıntsova jartylaı fınalǵa shyǵý úshin óziniń otandasy, álemniń 23-raketkasy Petra Kvıtova nemese reıtıngte 56-satydaǵy rýmynııalyq Irına Begýdiń bireýimen talasady.
Eske sala keteıik, budan buryn Elena Rybakınanyń Sankt-Peterbýrg jarysyn sátti bastaǵanyn, Aleksandr Býblıktiń Rotterdam týrnırinde utylyp qalǵanyn jazǵan bolatynbyz.
