Tennıs: Elena Rybakına Sankt-Peterbýrg týrnıriniń fınalyna shyqty
NUR-SULTAN. QazAqparat - Qazaqstannyń birinshi, álemniń 25-raketkasy Elena Rybakına Sankt-Peterbýrg WTA týrgıriniń fınalyna shyqty, dep habarlaıdy QazAqparat tilshisi.
E.Rybakına jartylaı fınalda álemniń 21-raketkasy, grekııalyq Marııa Sakkarımen kezdesti.
Birinshi partııada grekııalyq sportshy 6:3 esebimen basym tússe, ekinshisinde Elena ese qaıyrdy - 7:5.
Úshinshi,sheshýshi sette qazaqstandyq tennısshi bet qaratqan joq - 6:1.
Báseke 1 saǵat 55 mınýtqa sozyldy.
E.Rybakına fınalda álemniń 8-raketkasy, nıderlandylyq Kıkı Bertens nemese reıtıngte 28-satyda turǵan reseılik Ekaterına Aleksandrovanyń bireýimen bas júldeni sarapqa salady.
Aldaǵy dúısenbide jańartylatyn reıtıngte E.Rybakına qazaqstandyq qyzdar arasynda alǵash ret úzdik 20 tennısshiniń qataryna kiredi.
Eske sala keteıik, budan buryn E.Rybakınanyń Sankt-Peterbýrg jarysynyń jartylaı fınalyna shyqqanyn jazǵan bolatynbyz.
