Tennıs: Elena Rybakına Sankt-Peterbýrg týrnırin sátti bastady
NUR-SULTAN. QazAqparat - Qazaqstannyń birinshi, álemniń 12-raketkasy Elena Rybakına Sankt-Peterbýrg WTA 500 týrnırin jeńispen bastady, dep habarlaıdy QazAqparat tilshisi.
Jarystyń 3-raketkasy bolyp tirkelgen qazaqstandyq tennısshi alǵashqy aınalymda dúnıejúzilik reıtıngte 81-orynda turǵan reseılik Varvara Grachevamen kezdesti.
Birinshi partııada eki breık jasaǵan qazaqstandyq tennısshi aıqyn basymdylyq kórsetti - 6:2.
Ekinshi sette alǵashqy geımin V.Gracheva alǵanymen, odan keıin E.Rybakına des bermedi - 6:1.
Bir saǵatqa jýyq ýaqytqa sozylǵan matchta E.Rybakına 5 eıs jasap, 9 breık-poınttyń beseýin paıdalana bildi.
Qazaqstandyq tennısshi shırek fınalǵa shyǵý úshin álemniń 42-raketkasy, chehııalyq Tereza Martıntsovamen talasady.
Eske sala keteıik, budan buryn Aleksandr Býblıktiń juptyq synda Rotterdam týrnıriniń shırek fınalyna shyqqanyn jazǵan bolatynbyz.
