Tennıs: Elena Rybakına Rolan Garros týrnırin jeńispen bastady
Frantsııa ashyq chempıonatynyń 21-raketkasy bolyp tirkelgen E.Rybakına alǵashqy aınalymda reıtıngte 493- orynda turǵan frantsııalyq Elza Jakmomen kezdesti.
Qazaqstandyq tennısshi 21-de bolsa, «Úlken dýlyǵa» jarysyn uıymdastyrýshylardan arnaıy shaqyrtý alǵan qarsylasy 18-de edi.
Birinshi partııada esep 3:3 bolǵan mezette jankúıerleri qoldaǵan kort ıesi breık jasap ketti. Degenmen budan keıin E.Rybakına qatarynan úsh geımdi óz esebine jazdy – 6:4.
Ekinshi sette qazaqstandyq tennısshi breıkpen alǵa shyqty –2:0. Budan keıin frantsııalyq sportshy qaıyra breık jasaǵanymen, Elena esepti 4:1-ge jetkizdi. Taǵy bir breık –5:1. Sodan soń birinshi matchbolyn sátti paıdalana bildi – 6:1.
Báseke 1 saǵat 12 mınýtqa sozyldy.
E.Rybakına ekinshi aınalymda álemniń 82-raketkasy,japonııalyq Nao Hıbıno nemese reıtıngte 87-satydaǵy serbııalyq Nına Stoıanovıchtiń bireýimen kortqa shyǵady.
Ótken jyly E.Rybakına ekinshi aınalymda frantsııalyq Fıona Ferroǵa jol bergen edi.
Eske sala keteıik, budan buryn Jibek Qulambaevanyń Shymkent týrnıriniń fınalyna shyqqanyn, Rolan Garros týrnıri bastalatynyn jazǵan bolatynbyz.
