Tennıs: Elena Rybakına Rolan Garros týrnırin sátti bastady
NUR-SULTAN. QazAqparat – Qazaqstannyń birinshi, álemniń 18-raketkasy Elena Rybakına Rolan Garros týrnırin sátti bastady, dep habarlaıdy QazAqparat tilshisi.
Parıjde ótip jatqan Frantsııa ashyq chempıonatynyń 14-raketkasy bolyp tirkelgen E.Rybakına bastapqy kezdesýin reıtıngte 83-orynda turǵan rýmynııalyq Sorana-Mıhaela Kyrstıamen ótkizdi.
Qazaqstandyq tennısshi bıyl 21-ge tolsa, tájirıbeli qarsylasy 30-da edi.
Birinshi partııada úsh birdeı breıkke qol jetkizgen E.Rybakına rýmynııalyq sportshyǵa birde-bir geım bergen joq – 6:0.
Ekinshi sette esep 2:1 bolǵan mezette qazaqstandyq sportshy breıkpen alǵa ketti – 3:1. Degenmen rýmynııalyq tennısshi de breık jasap, esepti qysqartty – 3:4. Biraq Rybakına sol boıda qarymta qaıyryp, sosyn matchqa dop bergende, qatelesken joq – 6:3.
Báseke 1 saǵat 3 mınýtqa sozyldy.
E.Rybakına ekinshi aınalymda álemniń 49-raketkasy, frantsııalyq Fıona Ferro nemese reıtıngte 56-satydaǵy ulybrıtanııalyq Hıter Ýotsonnyń bireýimen sheberlik baıqasady.
Búgin qazaqstandyqtardan alǵashqy aınalymda sońǵy bolyp reıtıngte 76-orynda turǵan Zarına Dııas kortqa shyǵady. Ol álemniń 35-raketkasy, Týnıs ókili Ons Jabermen synǵa túsedi. Munyń aldynda ıÝ.Pýtıntseva, M.Kýkýshkın jáne A.Býblık te Rolan Garros týrnırin jeńispen bastaǵan bolatyn.
Eske sala keteıik, budan buryn Aleksandr Býblıktiń Rolan Garros týrnırinde álemniń 9-raketkasyn utqanyn jazǵan bolatynbyz.
