Tennıs: Elena Rybakına Madrıd týrnırin jeńispen bastady
NUR-SULTAN. QazAqparat – Qazaqstannyń birinshi, álemniń 22-raketkasy Madrıd WTA 1000 týrnırin jeńispen bastady, dep habarlaıdy QazAqparat tilshisi.
E.Rybakına alǵashqy aınalymda dúnıejúzilik reıtıngte 78-orynda turǵan aýstralııalyq Aıla Tomlıanovıchpen kezdesti.
Birinshi partııada qazaqstandyq tennısshi 6:4 esebimen basymdylyq kórsetti. Al ekinshi sette qarsylasyna birde-bir geım bergen joq – 6:0.
Báseke 1 saǵattan sál astam ýaqytqa sozyldy.
E.Rybakına júlde qory 2,5 mln eýrodan asatyn jarystyń ekinshi aınalymynda álemniń 16-ynshy, osy dodanyń 13-raketkasy, belgııalyq Elıza Mertenspen sheberlik baıqasady. Ol bastapqy kezdesýinde reıtıngte 44-satydaǵy qytaılyq Chjan Shýaıdy 6:3, 6:3 esebimen tize búktirdi.
Madrıd týrnıri 8 mamyrda márege jetedi.
Eske sala keteıik, budan buryn qazaqstandyq tennısshilerdiń Madrıd týrnırinde jeńilip qalǵanyn jazǵan bolatynbyz.
