Tennıs: Elena Rybakına Istbýrnda álemniń besinshi raketkasyn utty
NUR-SULTAN. QazAqparat - Qazaqstannyń birinshi, álemniń 21-raketkasy Elena Rybakına Istbýrn WTA 500 týrnıriniń shırek fınalyna shyqty, dep habarlaıdy QazAqparat tilshisi.
Qazaqstandyq tennısshi ekinshi aınalymda álemniń besinshi, osy dodanyń 2-raketkasy, ýkraınalyq Elına Svıtolınamen kezdesti.
Birinshi partııada breıkpen alǵa shyqqan Rybakına sol basymdylyǵyn saqtaı aldy - 6:4.
Ekinshi set odan da tartysty órbip, taı-breıkte Elena jeńisti julyp aldy - 7:6 (7:3).
Bir saǵat 42 mınýtqa sozylǵan kezdesýde qazaqstandyq tennısshi 7 eıs jasap, 5 breık-poınttyń úsheýin paıdalana bildi. Qarsylasy 4 eıs, 2 breıkpen shekteldi.
E.Rybakına aıtýly jarystyń jartylaı fınalyna shyǵý úshin álemniń 61-raketkasy, latvııalyq Anastasııa Sevastovamen talasady. Ol álemniń 23-raketkasy, AQSh-tyń jas juldyzy Korı Gaýfty 4:6, 7:5, 6:2 esebimen jeńdi.
Eske sala keteıik, budan buryn E.Rybakınanyń Istbýrn týrnıriniń ekinshi aınalymyna, A.Býblıktiń shırek fınalyna shyqqanyn jazǵan bolatynbyz.
