Tennıs: Elena Rybakına Istbýrn týrnıriniń fınalyna shyǵa almaı qaldy
NUR-SULTAN. QazAqparat – Qazaqstannyń birinshi, álemniń 21-raketkasy Elena Rybakına Istbýrn (Ulybrıtanııa) WTA 500 týrnıriniń fınalyna shyǵa almaı qaldy, dep habarlaıdy QazAqparat tilshisi.
Rybakına jartylaı fınalda 2017 jylǵy Rolan Garros týrnıriniń jeńimpazy, latvııalyq, álemniń 43-raketkasy Elena Ostapenkomen sheberlik baıqasty.
Latvııalyq tennısshi 6:4, 6:1 esebimen jeńiske jetti.
Saǵat jarymǵa jýyq ýaqytqa sozylǵan matchta E.Ostapenko 3 eıs jasap, 13 breık-poınttyń beseýin paıdalana aldy. Qazaqstandyq sportshy 6 eıske qol jetkizgenimen, 9 breık-poınttyń ekeýin ǵana óz esebine jazdy.
E.Ostapenko fınalda álemniń 27-raketkasy, estonııalyq Anett Kontaveıtpen bas júldeni sarapqa salady.
Eske sala keteıik, budan buryn Qazaqstannan taǵy eki tennısshi Tokıo Olımpıadasyna joldama alǵanyn jazǵan bolatynbyz.
