Tennıs: Elena Rybakına Istbýrn týrnıriniń ekinshi aınalymyna shyqty
NUR-SULTAN. QazAqparat - Qazaqstannyń birinshi, álemniń 21-raketkasy Elena Rybakına Istbýrn (Ulybrıtanııa) WTA 500 týrnıriniń ekinshi aınalymyna shyqty, dep habarlaıdy QazAqparat tilshisi.
Qazaqstandyq tennısshi bastapqy kezdesýin dúnıejúzilik reıtıngte 141-orynda turǵan ulybrıtanııalyq Herrıet Dartpen ótkizdi.
Birinshi partııada E.Rybakına senimdi oınaı bildi - 6:2.
Ekinshi sette H.Dart breıkpen alǵa shyqqanymen, Elena tarazy basyn teńestirdi. Biraq taı-breıkte Darttyń joly boldy - 7:6 (7:5).
Úshinshi, sheshýshi partııada Rybakına jeńisti julyp aldy - 6:4.
Tartysty báseke 2 saǵat 20 mınýtqa sozyldy.
Match barysynda E.Rybakına 22 breık-poınttyń altaýyn paıdalandy. Qarsylasy úsh breıkpen shekteldi.
E.Rybakına júlde qory 565 myń AQSh dollarynan asatyn dodanyń shırek fınalyna shyǵý úshin álemniń 5-raketkasy, ýkraınalyq Elına Svıtolınamen talasady. Ol dál osyndaı tartysty kezdesýde álemniń 33-raketkasy, ıspanııalyq Paýla Badosany utty.
Eske sala keteıik, budan buryn qazaqstandyq tennısshiniń Germanııadaǵy týrnırdiń shırek fınalyna shyqqanyn, ıAroslava Shvedovanyń Olımpıadaǵa qatysyp, el namysyn qorǵaý zor mártebe ekendigin aıtqanyn jazǵan bolatynbyz.
