Tennıs: Elena Rybakına Indıan-Ýellste Aýstralııanyń eki dúrkin chempıonyn jeńdi
NUR-SULTAN. QazAqparat – Qazaqstannyń birinshi, álemniń 20-raketkasy Elena Rybakına Indıan-Ýells WTA 1000 týrnıriniń tórtinshi aınalymyna shyqty, dep habarlaıdy QazAqparat tilshisi.
Qazaqstandyq tennısshi úshinshi aınalymda kezinde dúnıejúzilik reıtıngte kósh bastaǵan, qazir álemniń 15-raketkasy, Aýstralııa ashyq chempıonatynyń eki dúrkin chempıony, osy jarystyń ótken jylǵy fınalısi, Belarýs ókili Vıktorııa Azarenkomen sheberlik baıqasty.
Qarsylastar buǵan deıin kezdespegen edi.
E.Rybakına saǵat jarymnan astam ýaqytqa sozylǵan matchta 6:3, 6:4 esebimen jeńiske jetti. Ekinshi sette V.Azarenko medıtsınalyq kómekke de júgindi.
Qazaqstandyq tennısshi 5 eıs jasap, 8 breık-poınttyń ekeýin paıdalandy. Belarýs sportshysy 3 eıspen shekteldi.
E.Rybakına júlde qory 8,4 mln AQSh dollaryna baǵalanǵan dodanyń shırek fınalyna shyǵý úshin álemniń 51-raketkasy, shveıtsarııalyq Vıktorııa Golýbıchpen talasady. Ol osy jarystyń ekinshi aınalymynda taǵy bir qazaqstandyq ıÝlııa Pýtıntsevany utyp ketken edi.
Eske sala keteıik, budan buryn Aleksandr Býblıktiń Indıan-Ýellste Olımpıada chempıonyn utqanyn jazǵan bolatynbyz.
