Tennıs: Elena Rybakına Indıan-Ýells týrnıriniń úshinshi aınalymyna shyqty
NUR-SULTAN. QazAqparat – Qazaqstannyń birinshi, álemniń 20-raketkasy Elena Rybakına Indıan-Ýells WTA 1000 týrnıriniń úshinshi aınalymyna shyqty, dep habarlaıdy QazAqparat tilshisi.
Jarystyń (júlde qory – 8,4 mln AQSh dollary) 17-raketkasy bolyp tirkelgen qazaqstandyq tennısshi dodany ekinshi aınalymnan bastap, dúnıejúzilik reıtıngte 58-orynda turǵan belgııalyq Elıson Van Eıtvankpen kezdesti.
E.Rybakına saǵat jarymǵa jýyq ýaqytqa sozylǵan matchta qarsylasynan 6:1, 7:5 esebimen basym tústi. Qazaqstandyq tennısshi 3 eıs jasap, 8 breık-poınttyń úsheýin paıdalandy.
E.Rybakına úshinshi aınalymda álemniń 17-raketkasy, osy týrnırdiń ótken jylǵy fınalısi, Belarýs ókili Vıktorııa Azarenko nemese reıtıngte 96-oryndaǵy aýstralııalyq Astra Sharmanyń bireýimen sheberlik baıqasady.
Taǵy bir qazaqstandyq, álemniń 47-raketkasy ıÝlııa Pýtıntseva ekinshi aınalymda tartysty básekede reıtıngte 51-oryndaǵy shveıtsarııalyq Vıktorııa Golýbıchten utylyp qaldy – 3:6, 6:2, 4:6.
Eske sala keteıik, budan buryn Zańǵar Nurlanulynyń Slovakııadaǵy týrnırdiń fınalyna shyqqanyn jazǵan bolatynbyz.
