Tennıs: Elena Rybakına Hobart týrnırin jeńispen bastady
NUR-SULTAN. QazAqparat – Qazaqstannyń birinshi, álemniń 30-raketkasy Elena Rybakına Hobart (Aýstralııa) WTA týrnırin jeńispen bastady, dep habarlaıdy QazAqparat tilshisi.
Osy jarystyń 3-raketkasy bolyp tirkelgen E.Rybakına alǵashqy aınalymda dúnıejúzilik reıtıngte 69-orynda turǵan slovenııalyq Tamara Zıdanshekpen kezdesti.
Birinshi partııada qazaqstandyq tennısshi birden breıkpen bastap, óz geımderin de bermeı, 3:0 esebimen alǵa ketti. Taǵy bir breık – 5:1. Sosyn setke bergende, óz múmkindigin jibergen joq – 6:1.
Ekinshi sette esep 3:2 bolǵanda, T.Zıdanshek breık jasaı aldy – 4:2. Degenmen E.Rybakına dereý qarymta qaıyryp, tarazy basyn teńestire bildi – 4:4. Sodan keıin taǵy bir breıkten soń match núktesin qoıdy – 6:4.
Báseke 1 saǵat 7 mınýtqa sozyldy.
E.Rybakına júlde qory 275 myń AQSh dollaryna baǵalanǵan dodanyń shırek fınalyna shyǵý úshin álemniń 60-raketkasy, frantsııalyq Alıze Kornemen sheberlik baıqasady.
Eske sala keteıik, budan buryn Elena Rybakınanyń úzdik otyz tennısshiniń qataryna kirgenin, al Aleksandr Býblıktiń Adelaıda týrnıriniń shırek fınalyna shyǵa almaǵanyn jazǵan bolatynbyz.
