Tennıs: Elena Rybakına Dohada álemniń 1-raketkasymen kezdesedi
NUR-SULTAN. QazAqparat – Qazaqstannyń birinshi, álemniń 17-raketkasy Elena Rybakına Doha (Katar) premer týrnıriniń úshinshi aınalymyna shyqty, dep habarlaıdy QazAqparat tilshisi.
E.Rybakına ekinshi aınalymda álemniń 62-raketkasy, belgııalyq Elıson Van Eıtvankpen sheberlik baıqasty.
Birinshi partııada belgııalyq sportshy basymdylyq kórsetti – 7:5.
Esesine ekinshi sette Elena breıkpen alǵa shyqty – 3:0. Sodan keıin setti jeńispen aıaqtaı bildi – 6:2.
Úshinshi, sheshýshi partııada esep 2:2 bolǵan mezette belgııalyq tennısshi breık jasady. Degenmen Rybakına sol boıda qarymta qaıyrdy – 3:3. Esep 4:4 bolǵanda, Elena 0:40-tan óz geımin alyp shyqty – 5:4. Sosyn qarsylasy dop bergende, qos birdeı matchbolyn múlt jiberdi – 5:5. Aqyry másele taı-breıkte sheshilip, onda qazaqstandyq tennısshi matchboldarynyń birin paıdalana aldy – 7:6 (10:8).
Asa tartysty báseke 2 saǵat 21 mınýtqa sozyldy.
E.Rybakına shırek fınalǵa shyǵý úshin álemniń 1-raketkasy, aýstralııalyq Eshlı Bartımen kezdesedi. E.Bartı birinshi aınalymda qazaqstandyq ıAroslava Shvedovany joldan taıdyrǵan germanııalyq Laýra Zıgemýndty 6:3, 6:2 esebimen qınalmaı utty.
Elena E.Bartımen bıylǵy Aýstralııa ashyq chempıonatynyń úshinshi aınalymynda sheberlik baıqasyp, 3:6, 2:6 esebimen ese jibergen bolatyn.
Ótken aptada E.Rybakına Dýbaıda álemniń ekinshi jáne úshinshi raketkalary rýmynııalyq Sımona Halep, chehııalyq Karolına Plıshkovamen kúsh synasqan edi.
Qazaqstandyq tennısshi bıylǵy jyldyń eki aıynda tórt birdeı WTA jarysynyń fınalyna shyǵyp, barlyǵy 21 matchta jeńiske jetti.
Budan buryn 2009 jyldyń alǵashqy eki aıynda reseılik Elena Dementeva 20 kezdesýdi óz paıdasyna sheship, rekord jasaǵan edi. E.Rybakına osy kórsetkishten asyp túsip otyr.
E.Rybakına sonymen qatar osylaısha tabysty óner kórsetýiniń nátıjesinde tapqan tabysyn 1 mln dollardan asyrdy.
Eske sala keteıik, budan buryn Elena Rybakınanyń Doha týrnırin jeńispen bastaǵanyn, Aleksandr Býblıktiń Dýbaı jarysynyń ekinshi aınalymyna, al ıÝlııa Pýtıntsevanyń Dohada úshinshi aınalymǵa shyqqanyn jazǵan bolatynbyz.
