Tennıs: Elena Rybakına Tsıntsınnatı týrnıriniń úshinshi aınalymyna shyqty
NUR-SULTAN. QazAqparat – Qazaqstannyń birinshi, álemniń 19-raketkasy Elena Rybakına Tsıntsınnatı WTA 1000 týrnıriniń úshinshi aınalymyna shyqty, dep habarlaıdy QazAqparat tilshisi.
E.Rybakına ekinshi aınalymda álemniń 16-ynshy, osy aıtýly dodanyń 15-raketkasy, belgııalyq Elıza Mertenspen kortqa shyqty.
Qazaqstandyq tennısshi eki sette 6:3, 6:2 esebimen jeńiske jetti.
1 saǵat 15 mınýtqa sozylǵan matchta qarsylastar 4 retten eıs jasady. E.Rybakına 7 breık-poınttyń úsheýin paıdalandy. Al E.Mertens sondaı eki múmkindikti múlt jiberdi.
E.Rybakına shırek fınalǵa shyǵý úshin álemniń 3-raketkasy, Belarýs ókili Arına Sobolenko nemese reıtıngte 31-satyda turǵan ıspanııalyq Paýla Badosanyń bireýimen talasady.
Al Qazaqstannyń birinshi, álemniń 38-raketkasy Aleksandr Býblık Tsıntsınnatıde erler arasynda ótip jatqan masters týrnıriniń ekinshi aınalymynan asa almady. Ol álemniń 21-raketkasy, bolgarııalyq Grıgor Dımıtrovqa 3:6, 5:7 esebimen ese jiberdi. 1 saǵat 23 mınýtqa sozylǵan básekede Dımıtrov 8 eıs jasap, 9 breık-poınttyń úsheýin óz esebine jazdy. Býblık 9 eıs, 1 breıkke qol jetkizdi.
Eske sala keteıik, budan buryn ıÝlııa Pýtıntsevanyń Tsıntsınnatı týrnırin jeńispen bastaǵanyn, Aleksandr Býblıktiń sol masters jarysynyń ekinshi aınalymyna shyqqanyn jazǵan bolatynbyz.
Sondaı-aq Elena Rybakına Tsıntsınnatı týrnıriniń ekinshi aınalymyna ótti.
Zarına Dııas Chıkago týrnırin jeńispen bastady.
