Tennıs: Elena Rybakına Chıkago týrnıriniń shırek fınalyna shyqty
NUR-SULTAN. QazAqparat – Qazaqstannyń birinshi, álemniń 17-raketkasy Elena Rybakına Chıkago WTA 500 týrnıriniń shırek fınalyna shyqty, dep habarlaıdy QazAqparat tilshisi.
Jarystyń besinshi raketkasy bolyp tirkelgen E.Rybakına úshinshi aınalymda dúnıejúzilik reıtıngte 31-orynda turǵan reseılik Veronıka Kýdermetovamen oınady.
Munyń aldynda Chehııanyń Ostrava qalasynda ótken osyndaı dodada qazaqstandyq tennısshi qarsylasyn 6:1, 6:3 esebimen tize búktirgen bolatyn.
Bul joly match áldeqaıda tartysty órbidi.
Birinshi partııa taǵdyry taı-breıkte sheshilip, onda Rybakınanyń joly boldy – 7:6 (7:4).
Ekinshi sette esep 2:2 bolǵan mezette Elena breık jasaǵanymen, Kýdermetova sol boıda qarymta qaıyrdy – 3:3. Esep 5:5 bolǵanda, Rybakına taǵy bir breıkke qol jetkizdi – 6:5. Aqyry matchty jeńispen túıindedi – 7:5.
Eki saǵatqa jýyq ýaqytqa sozylǵan báseke barysynda qazaqstandyq tennısshi 9 eıs jasap, 7 breık-poınttyń tórteýin múlt jibermedi. Qarsylasy 10 eıspen birge 11 breık-poınttyń úsheýin ǵana paıdalandy.
E.Rybakına júlde qory 565 myń AQSh dollarynan asatyn jarystyń jartylaı fınalyna shyǵý úshin álemniń 12-raketkasy, shveıtsarııalyq, Tokıo Olımpıadasynyń chempıony Belında Benchıch nemese reıtıngte reıtıngte 53-satydaǵy chehııalyq Tereza Martıntsovanyń bireýimen talasady.
Eske sala keteıik, budan buryn Elena Rybakınanyń Chıkago jarysynda úshinshi aınalymǵa shyqqanyn, Anna Danılınanyń juptyq synda Astana Open týrnıriniń jartylaı fınalyna óte almaǵanyn jazǵan bolatynbyz.
Esesine ıÝlııa Pýtıntseva elordada jartylaı fınalǵa shyqty.
