Tennıs: Elena Rybakına chempıondyq reıtıngide ekinshi orynǵa kóterildi
NUR-SULTAN. QazAqparat – Áıelder tennıs qaýymdastyǵy (WTA) búgin jarııalaǵan chempıondyq reıtıngide Qazaqstannyń birinshi, álemniń 13-raketkasy Elena Rybakına ekinshi orynǵa kóterildi, dep habarlaıdy QazAqparat tilshisi.
Kósh basynda álemniń birinshi raketkasy, aýstralııalyq
Eshlı Bartı keledi.
E.Rybakına mundaı tabysqa Adelaıda (Aýstralııa) WTA 500 týrnırinde sátti óner kórsetýi nátıjesinde qol jetkizdi. Onda ol fınalda ǵana dál osy E.Bartıge jol bergen bolatyn.
Qazaqstandyq tennısshiniń endi Sıdneı men Aýstralııa ashyq chempıonatynda joly bolsa, kórsetkishin odan ári jaqsarta alady.
Sonymen, WTA chempıondyq reıtıngisiniń úzdik ondyǵyna
mynalar kirdi:
1. Eshlı Bartı (Aýstralııa) — 470.
2. Elena Rybakına (Qazaqstan) — 305.
3. Sımona Halep (Rýmynııa) — 280.
4. Amanda Anısımova (AQSh) — 280.
5. Aleksandra Sasnovıch (Belarýs) — 198.
6. Igra Sventek (Polsha) — 185.
7. Mısakı Doı (Japonııa) — 185.
8. Veronıka Kýdermetova (Reseı) — 180.
9. Chjen Tsınven (Qytaı) — 128.
10. Naomı Osaka (Japonııa) — 110.
Eske sala keteıik, budan buryn Elena Rybakınanyń
Adelaıda týrnırinde álemniń birinshi raketkasynan jeńilip
qalǵanyn, qazaqstandyq tennısshilerdiń Aýstralııa ashyq
chempıonatynyń irikteý saıysyn sátti bastaǵanyn jazǵan
bolatynbyz.
Sondaı-aq Aleksandr Nedovesov Melbýrn týrnıriniń
fınalyna deıin jetti.
E.Rybakınaálemdik reıtıngide úzdik ondyqqa jaqyndady.
